Saturday, December 2, 2023

Rrëfimi skandaloz i Llatas-it, Grubi: Dënoj ashpër fjalorin denigrues

Zëvendëskryeministri i parë, Artan Grubi ka reaguar ndaj deklaratës skandaloze të gazetarit Dragan Pavloviç – Llatas i cili ka treguar në një intervistë se si ai me disa shokë në moshën 15-vjeçare e kanë përdhunuar një vajzë.

Grubi në reagimin e tij në rrjetin social Facebook, thotë se Llatasi po vijon që në çdo paraqitje të shpalos papastërtinë e tij morale, madje me krenari flet mbi aktet e turpshme që ka kryer.

Grubi poashtu ndër të tjera ka përmendur dhe frymën antishqiptare që po i njejti gazetar ka shprehur ndër vite në qëndrimet e tij.

Reagimi i plotë:

E dënoj ashpër fjalorin denigrues dhe rrëfimin skandaloz të gazetarit Dragan Pavloviç – Llatas në emisionin e youtuberit Stefan Lazarov, ku me një komoditet të turpshëm krekoset mbi aktin e kryer të dhunës dhe malltretimit ndaj një të miture.

Llatasi në çdo paraqitje të tij vazhdon të shpalos papastërtinë e tij morale, opinionbërjen destruktive për dëmin e së cilës kemi paralajmëruar shumë kohë më parë kur ai krijonte karrierë dhe senzacionalizëm me qëndrimet e tij antishqiptare.

Fatkeqësisht asokohe shoqëria nuk i kishte perceptuar akoma qëllimet e tij për të reaguar siç po reagon sot, por asnjëherë nuk është vonë për të dënuar të keqen dhe për të ndaluar ndikimin e vrerit që ai nxjerr nga goja.

https://www.facebook.com/ArtanGrubi/posts/748071096682411