Sektori për Punë të Brendshme-Tetovë njofton se mbrëmë ka privuar nga liria 27 vjeçarin Xh.A. i cili akuzohet se gjatë muajit të fundit ka ushtruar dhunë fizike ndaj nënës së tij. Policia punon në zbardhjen e rastit.
“Mbrëmë (21-shkurt) rreth orës 20:30, zyrtarët policorë të SPB Tetovë-Departamenti i Punëve të Brendshme Gostivar kanë privuar nga liria 27-vjeçarin Xh.A. nga Gostivari, për shkak të dyshimit se gjatë muajit të fundit në shtëpinë e tyre familjare në Gostivar ka sulmuar fizikisht nënën e tij. Ai është ndaluar në Stacionin Policor Gostivar dhe pas dokumentimit të rastit kundër tij do të përgatitet parashtresë përkatëse”, thuhet në njoftimin e SPB-Tetovë./Alsat.mk
