Monday, May 29, 2023

Christopher Hill: Rajoni do të ketë sukses aq sa vendet arrijnë bashkëpunim të ndërsjellë


Hill: Rajoni do të ketë sukses aq sa vendet arrijnë bashkëpunim të ndërsjellë.

Ambasadori amerikan në Serbi, Christopher Hill, ka hapur sot konferencën e Dhomës Amerikane të Tregtisë në Serbi (AmCham) “Bashkëpunimi ekonomik rajonal – Ballkani i hapur: çfarë mund të presë ekonomia?” dhe me atë rast ka thënë se rajoni do të ketë sukses aq sa vendet të arrijnë bashkëpunim të ndërsjellë dhe nëse zbatojnë projekte siç është “Ballkani i Hapur”.

Në konferencën, ku morën pjesë ministri i Jashtëm dhe Tregtisë së Serbisë, Tomislav Momiroviq, dhe Ministrja e Integrimeve Evropiane të Serbisë, Tatjana Mishçeviq, Hill tha se “Ballkani i Hapur” nuk është një proces që mund të zbatohet vetëm nga një vend i Ballkanit Perëndimor, por nga të gjitha vendet.

Prandaj, sipas tij, bashkëpunimi i ndërsjellë është shumë i rëndësishëm, shkruan tanjug.rs, transmeton klankosova.

“Unë mendoj se projekti Open Balkans është veçanërisht i rëndësishëm për komunitetin e biznesit,” tha Hill, duke shtuar se roli i Dhomës Amerikane të Tregtisë është të bashkojë dhe lidh të gjitha tregjet e Ballkanit Perëndimor.