Kryetari i Bashkimit Demokratik për Integrim, Ali Ahmeti ka përkujtuar bashkëluftëtarin e tij, heroit Ilir Konushevci në 25 vjetorin e tij të rënies.
Ahmeti kujton momentin kur kanë kuptuar vdekjen e Konushevcit, teksa në dedikimin e tij shkruan se qëndresa e heronjëve mundësoi jetësimin e lirisë së shtetit të Kosovës.
Shkrimi i plotë:
25 vite më parë do të ndahej fizikisht nga ne, njëri ndër themeluesit e arradhave të para të Ushtrisë Çlirimtare të Kosovës, bashkëluftëtari im, heroi Ilir Konushevci.
I hidhur ishte çasti kur në Shtabin e Përgjithshëm të UÇK-së jehoi lajmi për rënien e tij bashkë me Doktor Hazir Malën. Ilirin e humbëm fizikisht, por atdhedashuria dhe shpirti i tij liridashës qëndroi ndër ne për të frymëzuar qëndresën deri në jetësimin e idealit të lirisë dhe shtetësisë së Kosovës.
Lavdi e përjetshme veprimtarisë kombëtare të Ilir Konushevcit, Hazir Malës dhe të gjithë të rënëve për Lirin e Kosovës!
