Kryetari i Bashkimit Demokratik për Integrim, Ali Ahmeti shoqëruar nga ministra dhe funksionarë të tjerë partiak, kanë takuar sot bashkëatdhetarët në qytetin e Tetovës për të zhvilluar bashkëbisedim.
Ahmeti në Facebook shkruan se mërgimtarët shqiptarë gjithmonë i kanë vënë vulë çdo procesi jetik për shtetin.
Statusi i plotë:
Mërgimtarët kanë shpirtin e mendjen në vendlindje dhe bashkëbisedimi me ta për sfidat e së ardhmes së vendit është domosdoshmëri.
Ishte kënaqësi të takonim sot mërgimtarët e qytetit të Tetovës dhe të kuvendonim bashkë për procesin jetik të eurointegrimit, të merrnim mbështetjen e tyre për të qëndruar përballë të gjitha sfidave që e pengojnë hapërimin e vendit drejt horizontit të Europës.
Çdo proces jetik për ardhmërinë tonë progresive ka patur vulën e punës dhe kontributit të tyre të sinqertë, aty të palëkundur qëndrojnë edhe tani që të ndihmojnë vendin të hap kapitullin e ri të së ardhmes europiane.
