Home Sport Isco këtë verë largohet nga Real Madridi

Isco këtë verë largohet nga Real Madridi

Isco pritet t’i jap lamtumirën Real Madridit me të përfunduar ky sezon.

Los Blancos i kanë dhënë shumë mundësi spanjollit që të tregojë vetën, por që disa sezone ai nuk po arrin të depërtojë në formacionin startues.

Për Iscon këta mund të jenë muajt e fundit me fanellën e Realit të Madrid. 29-vjeçari, i cili është pjesë e madrilenëve që nga vitit 2013, në fund të sezonit do të mbyllë aventurën e tij te Los Blancos, kohë kur i përfundon edhe kontrata, raporton AS.

Futbollisti ka kohë që nuk bën pjesë në planet e klubit për të ardhmen dhe as ardhja e Carlo Ancelottit në krye të skuadrës nuk e ka ndryshuar situatën.

Drejtuesit e klubit nuk kanë ndërmend t’i ofrojnë rinovimin lojtarit, i cili në fund të sezonit do të mbyllë aventurën me Realin.

Për Iscon janë në garë shumë klube, si Juventusi, Milani e Fiorentina, që do të bëjnë maksimumin për ta marrë lojtarin me parametër zero gjatë merkatos së verës. /Telegrafi/