Home Maqedoni Komuna Likovës dhe SHE “Vllaznia” shtruan iftar dhe ndanë pako për 62...

Komuna Likovës dhe SHE “Vllaznia” shtruan iftar dhe ndanë pako për 62 familje me jetimë

Komuna e Likovës ka realizuar një bashkëpunim me Shoqatën për Edukim “Vllaznia” në shpërndarjen e pakove për muajin e shenjtë të Ramazanit për gjithsej 62 familje me jetimë. Veç kësaj u shtrua iftar, aktivitet ky i cili nuk ndalet me vite.

“Komuna e Likovës ka nënshkruar memorandum bashkëpunimi me Shoqatën për Edukim “Vllaznia”, ku në suaza të aktiviteteve të saj gjatë muajit të Ramazanit, shtroi iftar për jetimët e Komunës së Likovës dhe Kumanovës, aktivitet ky tradicional për shumë vite me radhë, por i cili për shkak të pandemisë dy vitet e kaluara nuk u realizua. Përveç iftarit gjithashtu u realizua shpërndarja e 62 pakove ushqimore për 62 familje me jetimë si ndihmë shtesë për të begatuar sofrat e tyre gjatë muajit të bekuar të Ramazanit. Lusim Allahun që donatorët t’i shpërblejë, dhe njëkohësisht apelojmë që të përkrahen aktivitetet me jetimët, sepse nevoja është evidente në këtë drejtim”, shkruan kryetari i Likovës, Erkan Arifi.