Home Sport Luis Diaz pothuajse iu bashkua Barcelonës para Liverpoolit, arsyeja e dështimit ishte...

Luis Diaz pothuajse iu bashkua Barcelonës para Liverpoolit, arsyeja e dështimit ishte Dembele


Liverpooli mësohet se ka mposhtur Barcelonën për sulmuesin kolumbian Luis Diaz në ditët e fundit të afatit kalimtar.

Për sulmuesin u interesuan edhe Tottenham dhe Roma, i cili iu bashkua The Reds për 37 milionë euro nga Porto, por shuma mund të rritet në 50 milionë euro me bonuset që janë në kontratë.

El Pais nga Spanja raporton se Barcelona e kishte ndjekur Diazin prej muajsh dhe donte ta sillte atë së bashku me Adama Traore dhe Pierre-Emerick Aubameyang.

Sipas kësaj gazete dështimi për të shitur Ousmane Dembele do të thoshte që Barcelona nuk mund të merrte kolumbianin, me Diaz në vendosi që të transferohej në Anfield.

“Në këtë afat kalimtar një tjetër sulmues mund të kishte ardhur në Camp Nou, por refuzimi i largimit të Dembele para përfundimit të kontratës së tij shkatërroi planet e klubit”.

“Ata kishin arritur një marrëveshje për të nënshkruar me Luis Diaz, me anësorin e Portos që iu bashkua Liverpoolit”, ka thënë një burim i klubit për El Pais.

Diaz u transferua në Merseyside, ku bëri debutimin e tij në FA Cup kundër Cardiff City të dielën. /Telegrafi/