Home Maqedoni Në Bllacë parandalohet kontrabandë e arit në vlerë të 156 mijë eurove

Në Bllacë parandalohet kontrabandë e arit në vlerë të 156 mijë eurove

Doganat e Maqedonisë njoftojnë se gjatë ditës së djeshme në pikën kufitare në Bllacë, në një automjet i cili ishte paraqitur për të dal nga shteti, ekipet mobile të Sektorit për Punë Operative pranë Drejtorisë së Doganave kanë parandaluar kontrabandën e 5 kg stoli ari, përcjell TV21.

“Përkatësisht më 8 shkurt 2022, në dalje të shtetit, në pikën kufitare Bllacë, në orët e pasditës për kontroll doganor është paraqitur një automjet me targa serbe ndërsa i drejtuar nga shtetas maqedonas. Gjatë kontrollit të detajuar nga ekipet mobile kanë vëerjetur parregullsi në zonën ndërmjet dy sediljeve të përparme, gjegjësisht hapësira mbi marmitën ka qenë e mbyllur”, thuhet mes tjerash në njoftimin e Doganave.

“Në automjet, në hapësirën ndërmjet dy sediljeve të përparme, është gjetur një bunker i hapur, i punuar posaçërisht, në të cilin kishte 10 pako me stoli ari në vlerë prej 9.604.430 denarë dhe me peshë të përgjithshme prej 5097,59 gram”, thuhet në njoftim.

Nga Dogana njoftojnë se stolitë e arit dhe automjeti është konfiskuar përkohësisht, ndërsa i shoferi është ndaluar nga policia.