Home Sport Neymar bën shaka me idenë e Botërorit çdo dy vite

Neymar bën shaka me idenë e Botërorit çdo dy vite


Reprezentuesi brazilian Neymar ka bërë shaka duke thënë se do të kishte më shumë shanse për të fituar Kupën e Botës nëse do të mbahej çdo dy vjet.

FIFA ka sugjeruar propozime që do të shihnin që turneu të zhvillohet çdo dy vjet, në vend të katër.

Propozimet kanë sjellë kritika nga figura të ndryshme brenda botës së futbollit si dhe nga tifozët, pasi çështja e lodhjes së lojtarëve – që tashmë është një problem – vetëm sa do të përkeqësohej.

Ylli i Paris Saint-Germain, Neymar u pyet për këtë temë në podkastin e Fenomenos, ku mori pjesë edhe legjenda e Brazilit, Ronaldo.

Neymar tha: “Unë nuk e di se çfarë mendoj për të bërë çdo dy vjet”.

Ronaldo, i cili fitoi Kupën e Botës në 2002, do të ishte në favor të një turneu dyvjeçar

“Duhet të kishim folur për këtë çështje që të kishim Kupën e Botës çdo dy vjet më parë, kur isha më i ri, atëherë do të kishim më shumë shanse për ta fituar një”.

“Tani që kam mbaruar pothuajse, nuk e di nëse është mirë”, ka shtuar më tej ai.

Neymar në të kaluarën ka sugjeruar se mund të jetë Botërori i fundit ai që mbahet në Katar në fund të këtij viti, pasi vuan shumë nga lëndimet. /Telegrafi/